என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "சமையல் கியாஸ்"
புதுடெல்லி:
சமையல் கியாஸ், மண்எண்ணை போன்ற பெட்ரோலிய பொருட்களை மத்திய அரசு பொதுமக்களுக்கு மானிய விலையில் வழங்கி வருகிறது. இதன்படி மத்திய அரசு ரூ.37 ஆயிரம் கோடியை மானியத்துக்காக ஒதுக்குகிறது. இவ்வாறு அதிக தொகை ஒதுக்குவதால் மத்திய அரசுக்கு கடும் நிதி சுமை ஏற்படுகிறது. இதை தடுக்க தேவையான முயற்சிகளை மத்திய அரசு மேற்கொண்டுள்ளது.
மொத்த மானியத்தில் சமையல் கியாசுக்கு மட்டுமே ரூ.31 ஆயிரத்து 169 கோடி தேவைப்படுகிறது. எனவே இந்த வகை மானியத்தை பெருமளவு குறைக்க திட்டமிட்டு உள்ளனர்.
இது சம்பந்தமாக மத்திய நிதித்துறையும், பெட்ரோலிய துறையும் ஆலோசித்து வருகின்றன.
சமையல் கியாஸ் மானியம் வழங்குவதில் ஏற்கனவே பல கட்டுப்பாடுகள் உள்ளன. இதை மேலும் அதிகப்படுத்த உள்ளனர்.
இதற்கு முன்பு ரூ.10 லட்சத்துக்கு மேல் உள்ளவர்களுக்கு சமையல் கியாஸ் மானியம் ரத்து செய்யப்பட்டது. இதன் உச்சவரம்பை ரூ.5 லட்சமாக குறைக்க பரிசீலித்து வருகின்றனர்.
மேலும் சொந்தமாக கார் வைத்து இருந்தாலும் மானியம் ரத்து செய்யப்பட உள்ளது. இதற்காக வாகன பதிவு அலுவலகங்களில் இருந்து தகவல்கள் சேகரிக்கப்பட்டு வருகின்றன.
மேலும் சிலிண்டர் எண்ணிக்கையும் குறைக்க உள்ளனர். தற்போது ஆண்டொன்றுக்கு 12 சிலிண்டர் வழங்கப்படுகிறது. அதை 7 அல்லது 8 சிலிண்டராக குறைக்க திட்டமிட்டு உள்ளனர். தேர்தல் முடிந்து புதிய அரசு வந்ததும் இது நடைமுறைக்கு வரும் என்று பெட்ரோலியத்துறை அதிகாரி ஒருவர் தெரிவித்தார்.
மத்திய அரசு பெட்ரோலிய பொருட்களுக்கு வழங்கும் மொத்த மானியம் ரூ.37 ஆயிரம் கோடியில் சமையல் கியாசுக்கு மட்டுமே ரூ.31 ஆயிரத்து 169 கோடியாக உள்ளது. மண்எண்ணைக்கு ரூ.5 ஆயிரத்து 853 கோடி மானியம் வழங்குகிறது.
சமையல் கியாஸ் மானியம் 2015-16 நிதி ஆண்டில் ரூ.16 ஆயிரம் கோடியாகும், 2016-17-ல் ரூ.12 ஆயிரம் கோடியாகவும் 2017-18-ல் ரூ.20 ஆயிரம் கோடியாகவும் இருந்தது. அது இப்போது கணிசமாக உயர்ந்து விட்டது.
பிரதமர் கொண்டு வந்த ஏழைகளுக்கு கியாஸ் திட்டம் மூலம் சிலிண்டர் எண்ணிக்கை அதிகரிக்கப்பட்டதே இதற்கு காரணமாகும்.
2015-ல் 14 கோடியே 80 லட்சம் சமையல் கியாஸ் இணைப்புகள் வழங்கப்பட்டு இருந்தன. தற்போது 26 கோடியே 60 லட்சம் இணைப்புகளாக உயர்ந்துள்ளது.
பிரதமரின் சமையல் கியாஸ் திட்டத்துக்கு மட்டுமே புதிதாக 7 கோடியே 10 லட்சம் புதிய இணைப்புகள் வழங்கப்பட்டுள்ளன.
ஒரு சிலிண்டருக்கு ரூ.160-ல் இருந்து ரு.250 வரை மானியம் வழங்கப்படுகிறது. இதனால் தான் மத்திய அரசின் மானியத் தொகை அதிகரித்தப்படி உள்ளது. #CentralGovernment #gascylinder
சென்னை:
பாரத் பெட்ரோலியம் நிறுவனத்தின் மேலாளர் செந்தில்குமார் சென்னையில் நிருபர்களிடம் கூறியதாவது:-
பிரதம மந்திரி உஜ்வாலா யோஜனா திட்டத்தின் கீழ் 2018 டிசம்பர் மாதத்துக்குள் நாடு முழுவதும் 6 கோடி கியாஸ் இணைப்புகள் வழங்க இலக்கு நிர்ணயிக்கப்பட்டது. ஆனால் கடந்த ஆண்டு ஆகஸ்டு மாதத்திலேயே அந்த இலக்கு எட்டப்பட்டது. இந்த நிலையில் இந்த திட்டம் தற்போது விரிவுபடுத்தப்பட்டுள்ளது.
இதன்படி வருகிற மார்ச் மாதத்துக்குள் நாடு முழுவதும் வறுமைக் கோட்டுக்கு கீழ் வாழும் மக்களுக்கு 2 கோடி இலவச சமையல் கியாஸ் இணைப்புகள் வழங்க மத்திய அரசு உத்தரவிட்டுள்ளது.
இந்த திட்டத்தின் கீழ் தமிழகத்தில் மட்டும் இதுவரை 27லட்சத்து 87 ஆயிரம் இணைப்புகள் வழங்கப்பட்டுள்ளன. சென்னையில் மட்டும் 25 ஆயிரம் இணைப்புகள் வழங்கப்பட்டுள்ளன. தமிழகத்தில் மேலும் 11 லட்சம் இலவச இணைப்புகள் வழங்க திட்டமிடப்பட்டுள்ளது.
வறுமைக்கோட்டுக்கு கீழ் வாழும் பெண்களின் குடும்ப மாத வருமானம் ரூ.10 ஆயிரத்துக்குள் இருக்க வேண்டும். இந்த திட்டத்தில் பயனடைய விரும்புபவர்கள் வரும் மார்ச் மாதத்துக்குள் விண்ணப்பிக்க வேண்டும்.
ஆதார் அட்டை, ஸ்மார்ட் ரேஷன் அட்டை, வங்கி பாஸ்புத்தகம், 3 புகைப்படங்கள் அடங்கிய ஆவணங்களை அருகில் உள்ள கியாஸ் ஏஜென்சியில் வழங்கி இத்திட்டத்தின் கீழ் இலவச இணைப்பை பெறலாம்.
கிராமப் பகுதிகளில் இந்த திட்டம் குறித்து விழிப்புணர்வு ஏற்படுத்துவதற்காக ஊழியர்கள் வீடுதோறும் விண்ணப்ப படிவங்கள் வழங்குதல் உள்ளிட்ட பல்வேறு நடவடிக்கைகளை மேற்கொள்ள உள்ளனர்.
இவ்வாறு அவர் கூறினார். #CentralGovernment #gascylinder
எண்ணூரை அடுத்த அத்திப்பட்டு புதுநகரில் இருந்து ஆந்திர மாநிலம் கடப்பா நோக்கி 18 டன் சமையல் கியாஸ் ஏற்றிக்கொண்டு ராட்சத டேங்கர் லாரி இன்று அதிகாலை புறப்பட்டது. லாரியை சேலம் மாவட்டம் வாழப்பாடியை சேர்ந்த அங்கமுத்து (35) ஓட்டினார்.
அதிகாலை 3 மணியளவில் கும்மிடிப்பூண்டி தாசில்தார் அலுவலகம் எதிரே உள்ள பைபாஸ் சாலையில் லாரி வந்து கொண்டு இருந்தது.
அப்போது டிரைவரின் கட்டுப்பாட்டை இழந்த லாரி தாறுமாறாக ஓடி சாலையோரத்தில் இருந்த தடுப்புச்சுவரில் மோதி கவிழ்ந்தது. இதில் டிரைவர் அங்கமுத்து லேசான காயத்துடன் உயிர் தப்பினார்.
விபத்து பற்றி அறிந்ததும் கும்மிடிப்பூண்டி மற்றும் கும்மிடிப்பூண்டி சிப்காட் போலீசார் மற்றும் தீயணைப்பு வீரர்கள் விரைந்து வந்தனர். அவர்கள் லாரி தீப்பற்றாமல் இருக்க உடனடியாக தண்ணீரை பீய்ச்சி அடித்தனர்.
கவிழ்ந்த லாரியை கியாஸ் நிறுவன உயர் அதிகாரிகள் ஆய்வு செய்தனர். இதில் சேதமடைந்த டேங்கரில் இருந்து சிறிய அளவில் கியாஸ் கசிவதை உறுதி செய்தனர்.
இதையடுத்து அப்பகுதியில் போக்குவரத்து நிறுத்தப்பட்டது. வாகனங்கள் அனைத்தும் கும்மிடிப்பூண்டி பஜார் வழியாக திருப்பி விடப்பட்டது.
எளிதில் தீப்பற்றும் அபாயம் இருப்பதால் லாரி கவிழ்ந்த இடத்தில் இருந்து சுமார் 3 கிலோ மீட்டர் தூரத்துக்கு பொதுமக்கள் செல்ல தடை விதிக்கப்பட்டது. மேலும் கும்மிடிப்பூண்டி முழுவதும் மின்சாரம் துண்டிக்கப்பட்டது.
டேங்கர் லாரியின் அருகே செல்போன் எடுத்து செல்லவும் தடை விதித்து உள்ளனர். இதனால் கும்மிடிப்பூண்டி பகுதியில் பரபரப்பான சூழல் ஏற்பட்டுள்ளது.
கியாஸ் டேங்கர் லாரியை மீட்கும் பணியில் அதிகாரிகள் ஈடுபட்டு உள்ளனர். கவிழ்ந்த லாரியில் உள்ள கியாசை வேறு லாரியில் ஏற்றும் முயற்சியில் இறங்கி இருக்கிறார்கள்.
விபத்து ஏற்பட்ட பகுதியை சுற்றிலும் ஏராளமான போலீசார் பாதுகாப்புக்காக குவிக்கப்பட்டுள்ளனர்.
சர்வதேச சந்தையில் கச்சா எண்ணெயின் விலை உயர்வு மற்றும் இந்திய ரூபாயின் மதிப்பை பொறுத்து பெட்ரோல், டீசல் விலை தினமும் அதிகரித்து வருகிறது.
இதேபோல் அவ்வப்போது சமையல் கியாசின் விலையும் உயர்ந்து வருகிறது. அந்த வகையில் மானியம் இல்லாத சமையல் கியாஸ் விலை டெல்லியில் ரூ.59 உயர்த்தப்பட்டு உள்ளது. மானியம் உள்ள சிலிண்டர் 2 ரூபாய் 89 காசு உயர்த்தப்பட்டு உள்ளது.
இந்த விலை உயர்வு இன்று (திங்கட்கிழமை) முதல் அமலுக்கு வருகிறது என்று இந்தியன் ஆயில் நிர்வாகம் அறிவித்து உள்ளது.
கியாஸ் விலை உயர்த்தப்பட்டு இருப்பதால், மானியம் பெறும் பயனாளிகளுக்கு வங்கியில் செலுத்தப்படும் தொகை இந்த மாதத்தில் இருந்து (அக்டோபர்) ரூ.376.60 ஆக உயர்த்தப்படுகிறது. கடந்த மாதம் (செப்டம்பர்) வரை இந்த மானியத்தொகை ரூ.320.49 ஆக இருந்தது.
எனவே இந்த விலை உயர்வு காரணமாக சாமானிய மக்களுக்கு பெரியஅளவில் பாதிப்பு இல்லை என்று இந்தியன் ஆயில் நிறுவனம் தெரிவித்து உள்ளது. #Subsidised #LPG #GasCylinder
தமிழ்நாட்டில் சமையல் கியாஸ் சிலிண்டர்களில் அடைக்கப்பட்டு வீடுகளுக்கு வினியோகம் செய்யப்பட்டு வருகிறது.
இந்த நிலையில் வீடுகளுக்கு பைப் லைன் மூலம் நேரடியாக கியாஸ் வினியோகம் செய்ய திட்டம் வகுக்கப்பட்டுள்ளது.
மத்திய நகர கியாஸ் வினியோக திட்டத்தின் கீழ் இந்த திட்டம் செயல்படுத்தப்படுகிறது. இந்த திட்டத்தின் நோக்கம் இந்தியாவில் நகரங்கள் முழுவதிலும் பைப் லைன் மூலம் கியாஸ் சப்ளை செய்யும் வசதியை செயல்படுத்துவதாகும்.
இந்த திட்டம் டெல்லி, மும்பை நகரங்களில் உள்ளது. தற்போது சென்னையிலும் செயல்படுத்த முடிவு செய்யப்பட்டது.
இது தொடர்பாக பெட்ரோலியம் மற்றும் இயற்கை எரிவாயு ஒழுங்கு முறை குழு ஆலோசனை நடத்தி வந்தது.
9-வது கட்ட பேச்சுவார்த்தை முடிவில் சென்னையில் பைப் லைன் மூலம் கியாஸ் சப்ளை செய்ய சாத்திய கூறு கண்டறியப்பட்டு இறுதி செய்யப்பட்டது. இதற்காக கியாஸ் நிலையங்களும் அமைக்கப்படுகின்றன.
சென்னையில் தனியார் நிறுவனங்களான தோரண்ட்டு கியாஸ் நிறுவனம் மற்றும் ஏ.ஜி.பி. எல்.என்.ஜி. மார்க்கெட்டிங் நிறுவனம் மூலம் வீடுகளுக்கு பைப் லைன் மூலம் கியாஸ் விநியோகம் செய்யப்படுகிறது.
மேலும் தமிழ்நாட்டில் மற்ற பகுதிகளுக்கு பைப் லைன் கியாஸ் திட்டத்தை செயல்படுத்த அதானி கியாஸ் லிமிடெட், இந்தியன் ஆயில் கார்ப்பரேஷன் மற்றும் சில தனியார் நிறுவனங்கள் டெண்டர் எடுத்துள்ளன.
சராசரியாக ஒரு கிலோ கியாசுக்கு 20 முதல் 25 கிலோ மீட்டர் வரை மைலேஜ் கிடைக்கும்.
தமிழ்நாட்டில் மற்ற பகுதிகளில் 16¼ லட்சம் வீடுகளுக்கு பைப் லைன் கியாசும், 557 கியாஸ் நிரப்பும் நிலையங்கள் அமைக்கப்படுகின்றன.
இதுகுறித்து அதிகாரி ஒருவர் கூறுகையில், “தற்போது டெல்லி நகரின் வீட்டில் பைப் லைன் இணைப்பு கொடுக்க ரூ. 5 ஆயிரம் கட்டணம் செலுத்த வேண்டும். அதன் பின் மாதந்தோறும் கியாஸ் பயன்பாட்டுக்கு ஏற்ப கட்டணம் வசூலிக்கப்பட்டு வருகிறது. இதற்காக பைப் லைனில் மீட்டர்கள் பொருத்தப்படும்” என்றார்.
இந்தியா முழுவதும் உள்ள நகரங்களில் நேரடி கியாஸ் வினியோக திட்டத்தை 2020-ம் ஆண்டுக்குள் செயல்படுத்த இலக்கு நிர்ணயிக்கப்பட்டு உள்ளது. #CookingGas #GasPipeline
சர்வதேச சந்தை நிலவரம் மற்றும் அன்னிய செலாவணி விகிதம் உள்ளிட்ட அம்சங்களின் அடிப்படையில் மானியம் உடைய மற்றும் மானியமில்லா சமையல் கியாஸ் சிலிண்டர்களின் விலை மாதந்தோறும் 1-ந் தேதி மாற்றியமைக்கப்படுகிறது. அந்தவகையில் இந்த மாதத்துக்கான, சமையல் கியாஸ் சிலிண்டர்களின் விலையை எண்ணெய் நிறுவனங்கள் நேற்று அறிவித்தன.
இதில் மானியத்துடன் கூடிய சிலிண்டர் ஒன்றுக்கு சென்னையில் ரூ.2.83 அதிகரித்து உள்ளது. இதன் மூலம், ரூ.481.84 ஆக இருந்த மானிய சிலிண்டர் விலை இனி ரூ.484.67 ஆக உயர்கிறது.
இதைப்போல மானியமில்லா சிலிண்டருக்கும் சென்னையில் ரூ.58.00 உயர்ந்துள்ளது. அதன்படி ரூ.712.50 ஆக இருந்த சிலிண்டர் விலை 770.50 ஆக உயர்ந்துள்ளதாக எண்ணெய் நிறுவனங்கள் அறிவித்து உள்ளன.
உள்நாட்டு மானியமில்லா சிலிண்டர்களின் மாற்றியமைக்கப்பட்ட விலையில் ஜி.எஸ்.டி. அதிகரிப்பு காரணமாக இந்த விலை உயர்வு அறிவிக்கப்பட்டு உள்ளது. அத்துடன் சர்வதேச சந்தையில் திடீர் விலை உயர்வு மற்றும் டாலருக்கு எதிரான ரூபாயின் மதிப்பு வீழ்ச்சி ஆகியவற்றின் காரணமாகவும் இந்த நடவடிக்கை எடுக்கப்பட்டு உள்ளது.
இந்த விலை உயர்வு நடவடிக்கை நேற்று நள்ளிரவு முதல் அமலுக்கு வந்தது.
சென்னை மற்றும் புறநகர் பகுதிகளில் சமையல் கியாஸ் தட்டுப்பாடு ஏற்பட்டுள்ளது. பதிவு செய்து 7 நாட்களுக்கு மேலாகியும் சிலிண்டர் வழங்கப்படாததால் பொதுமக்கள் பாதிக்கப்பட்டுள்ளனர். அத்தியாவசிய தேவையாக கருதப்படும் சமையல் கியாஸ் கடந்த 4 வருடங்களில் படிப்படியாக அதிகரித்துள்ளது. முன்பு ரூ.300-க்கு விற்பனை செய்யப்பட்ட வீட்டு உபயோக சிலிண்டர் இப்போது ரூ.700-ஐ தாண்டி விட்டது.
இதில் மத்திய அரசு மானியமாக ரூ.150 கொடுத்து வருகிறது. வீடுகளுக்கு வினியோகிக்கப்படும் சமையல் கியாஸ் சிலிண்டர் வினியோகத்தில் பல்வேறு சீரமைப்புகளை எண்ணை நிறுவனங்கள் செய்து வருகின்றன.
வாடிக்கையாளர்களுக்கு கியாஸ் பதிவு செய்த 3 நாட்களில் சிலிண்டர் கட்டாயம் வழங்கப்பட வேண்டும். விற்பனை விலை எவ்வளவு நிர்ணயிக்கப்படுகிறதோ அதற்கு மேலாக வசூலிக்க கூடாது என்பது போன்ற விதிமுறைகளை தீவிரப்படுத்தி வருகிறது.
இந்த நிலையில் கடந்த சில நாட்களாக சமையல் கியாஸ் தட்டுப்பாடு நிலவி வருகிறது. வினியோகஸ்தர்களுக்கு போன் செய்து கேட்டும் வாடிக்கையாளர்களுக்கு சிலிண்டர் லோடு வரவில்லை அதனால் தாமதமாகிறது என்று காரணம் கூறுகிறார்கள்.
கியாஸ் நிரப்பும் தொழிற்சாலையில் ஊழியர்கள் குறைவாக இருந்ததால் நிரப்பும் பணி பாதிக்கப்பட்டதாக கூறப்படுகிறது.
இதுகுறித்து ஒரு கியாஸ் வினியோகஸ்தர் கூறியதாவது:-
கடந்த வாரம் 3 நாட்கள் தொடர் விடுமுறை விடப்பட்டதால் கியாஸ் நிரப்பும் ஊழியர்கள் சிலர் விடுமுறையில் சென்று விட்டனர். அதனால்அந்த பணி பாதிக்கப்பட்டது. குறைந்த அளவில் தான் சிலிண்டர் வினியோகிக்கப்பட்டது. எங்களுக்கு வரவேண்டிய லோடு தாமதம் ஆனதால் வாடிக்கையாளர்களுக்கு வழங்குவதில் தாமதமாகி வருகிறது.
சிலிண்டர் வினியோகம் படிப்படியாக சீராகி வருகிறது. அதனால் இன்னும் ஒரிரு நாளில் தட்டுப்பாடு பிரச்சனை தீர்ந்து விடும் என்றார்.
வீடுகளுக்கு சிலிண்டர்களை வினியோகிக்கும் ஊழியர்கள் வாடிக்கையாளர்களிடம் அநாகரீகமாக நடந்து கொள்வதோடு சிலிண்டர் விலையை விட ரூ.40, ரூ.50 கூடுதலாக தந்தாக வேண்டும் என்று அடாவடித்தனமாக பேசுகிறார்கள். கூடுதல் தொகை தரவில்லை என்றால் சிலிண்டர் அடுத்த மாதம் சப்ளை செய்யமாட்டேன். அலைந்து திரியுங்கள் என்று தரக்குறைவான வார்த்தைகளால் பேசி வருகின்றனர்.
கியாஸ் ஏஜென்சிகளிடம் வேலை பார்க்கும் ஊழியர்களின் தரம் தாழ்ந்த நடவடிக்கையால் எண்ணை நிறுவனம் மீதும், சம்பந்தப்பட்ட ஏஜென்சிகள் மீதும் வாடிக்கையாளர்களுக்கு அவநம்பிக்கை ஏற்படுகிறது. சிலிண்டர் வழங்கும் ஊழியர்கள் பொதுமக்களிடம் எப்படி நடக்க வேண்டும், கூடுதல் கட்டணம் வசூலிக்க கூடாது என்ற உறுதிமொழியினை வினியோகஸ்தர்கள் கட்டாயம் பின்பற்ற எண்ணை நிறுவனம் நடவடிக்கை எடுக்க வேண்டும் என்பதே வாடிக்கையாளர்களின் ஆதங்கமாக உள்ளது. #GasCylinder #CookingGas
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
